RALLY SA DOLE CENTRAL OFFICE: IPATUPAD ANG ₱85 DAGDAG-SAHOD SA METRO MANILA! PANAGUTIN ANG LAHAT NG NAGNAKAW SA SAHOD NG MANGGAGAWA!

Ngayong umaga, nagmartsa ang mga manggagawa sa pangunguna ng National Wage Coalition (NWC), na binubuo ng BMP, KMU, NAGKA1SA!, at TUCP, patungo sa DOLE Central Office upang igiit ang agarang pagpapatupad ng ₱85 minimum wage increase sa Metro Manila.

Kasabay ng emergency meeting ng National Tripartite Industrial Peace Council (NTIPC), hinimok ng mga manggagawa ang pamahalaan na gamitin ang lahat ng legal na hakbang upang ipagtanggol ang Wage Order, tiyakin ang agarang pagpapatupad nito, at panagutin ang mga gumagamit ng mga petisyon at iba pang legal na maniobra upang hadlangan ang matagal nang nararapat na dagdag-sahod.

Iginiit din ng TUCP na dapat ibasura ang anumang TRO at mga kasong naglalayong pigilan ang wage increase. Kasabay nito, muling isinulong ng organisasyon ang agarang pagpasa ng ₱200 legislated nationwide wage hike tungo sa isang tunay na living wage, kasama ang mga reporma para sa seguridad sa trabaho at kalayaan sa pag-oorganisa.

𝗡𝗔𝗧𝗜𝗢𝗡𝗔𝗟 𝗪𝗔𝗚𝗘 𝗖𝗢𝗔𝗟𝗜𝗧𝗜𝗢𝗡: 𝗦𝗔𝗛𝗢𝗗 𝗜𝗧𝗔𝗔𝗦! 𝗕𝗨𝗪𝗜𝗦 𝗜𝗕𝗔𝗕𝗔! 𝗠𝗔𝗚𝗪𝗘𝗟𝗚𝗔 𝗛𝗔𝗡𝗚𝗚𝗔𝗡𝗚 𝗠𝗘𝗡𝗗𝗜𝗢𝗟𝗔 𝗦𝗔 𝗠𝗔𝗬𝗢 𝗨𝗡𝗢!

Bukas, Mayo Uno, Laboy Day, higit 20,000 manggagawa mula sa pinakamalawak na kilusang paggawa sa ngalan ng National Wage Coalition ay sama-samang pupunuin ang España, magmamartsa patungong Mendiola, at magwewelga laban sa Gobyernong pabaya sa manggagawa: SAHOD ITAAS! BUWIS IBABA! MAGWELGA BUONG BANSA! 

Kung kayo ay kaisa sa panawagan na ITAAS ANG SAHOD nang ₱200 hanggang sa antas na nakabubuhay sa buong bansa, IBABA ANG BUWIS sa bilihin at sahod dahil ang sobrang yaman at sobrang kita ang dapat mas buwisan, at ARESTUHIN, hindi lang basta ‘nahuli,’ ang LAHAT NG KORAP, ano pang hinihintay ninyo: SUMAMA NA BUKAS SA MAYO UNO! 

𝟳:𝟯𝟬 𝗔𝗠 - 𝗔𝘀𝘀𝗲𝗺𝗯𝗹𝘆 𝗶𝗻 𝗘𝘀𝗽𝗮ñ𝗮 𝗕𝗼𝘂𝗹𝗲𝘃𝗮𝗿𝗱

𝟴:𝟬𝟬 𝗔𝗠 - 𝗠𝗮𝗿𝗰𝗵 𝘁𝗼 𝗠𝗲𝗻𝗱𝗶𝗼𝗹𝗮

𝟵:𝟯𝟬 𝗔𝗠 - 𝗦𝘁𝗮𝗿𝘁 𝗼𝗳 𝗣𝗿𝗼𝗴𝗿𝗮𝗺 𝗣𝗿𝗼𝗽𝗲𝗿

Ang National Wage Coalition ay pinangungunahan ng Bukluran ng Manggagawang Pilipino (BMP), Kilusang Mayo Uno (KMU), Nagkaisa Labor Coalition (Nagkaisa!), at Trade Union Congress of the Philippines (TUCP) at binubuo ng iba’t ibang unyon, samahan ng manggagawa, at kaalyadong organisasyon. 

𝗦𝗔𝗠𝗔-𝗦𝗔𝗠𝗔 𝗧𝗔𝗬𝗢𝗡𝗚 𝗠𝗔𝗚𝗪𝗘𝗟𝗚𝗔!

𝗦𝗔𝗠𝗔-𝗦𝗔𝗠𝗔 𝗡𝗔𝗧𝗜𝗡𝗚 𝗜𝗧𝗔𝗔𝗦 𝗔𝗡𝗚 𝗦𝗔𝗛𝗢𝗗 𝗠𝗢!

𝗦𝗔𝗠𝗔-𝗦𝗔𝗠𝗔 𝗡𝗔𝗧𝗜𝗡𝗚 𝗜𝗕𝗔𝗕𝗔 𝗔𝗡𝗚 𝗕𝗨𝗪𝗜𝗦 𝗠𝗢!

NATIONAL WAGE COALITION: SAHOD ITAAS! BUWIS IBABA! MAG-WELGA BUONG BANSA!

Kasado na ang malawakang Labor Day protest ngayong May 1.

Bukod sa wage hike, hiling din ng mga raliyista na palitan na si DOLE Secretary Bienvenido Laguesma.

PAHAYAG NG PAGKONDENA NG KILUSAN-TUCP - Hindi makatarungang pagpapatalsik ng Asia Brewery sa 139 na manggagawa

Mariing kinokondena ni Arthur F. Juego, Presidente ng Pambansang Kilusan ng Paggawa (Kilusan-TUCP), ang hindi makatarungang pagpapatalsik ng Asia Brewery sa 139 na manggagawa nito.

Ang maramihang pagtanggal na ito ay naganap matapos manindigan ang mga manggagawa para sa kanilang karapatan sa makatarungang bahagi ng mga benepisyo (just share of benefits) mula sa kumpanya. Ayon kay President Juego, ang aksyong ito ay isang malinaw na pag-abuso sa kapangyarihan at paglabag sa karapatan ng mga manggagawa na humiling ng disenteng pamumuhay at sapat na kompensasyon.

"Hindi katanggap-tanggap na ang tugon ng kumpanya sa makatwirang hiling ng mga manggagawa ay ang pag-alis sa kanilang kabuhayan. Ang 139 na pamilyang nawalan ng hantungan ay biktima ng anti-worker na polisiya na hindi natin papayagan," pahayag ni Juego.

Nananawagan ang Kilusan-TUCP sa Department of Labor and Employment (DOLE) na agad na i-cite ang kumpanya sa labor violations, ipatigil ang tanggalan, at tiyakin ang agarang reinstatement ng mga apektadong manggagawa.

Ibalik ang mga tinanggal na manggagawa!

Hustisya para sa mga manggagawa ng Asia Brewery!