KUMONTRA ANG TUCP SA PANG-AABUSO AT NANGANGASIWA SA KARAPATAN NG MANGINGISDA

Nanguna ang TUCP sa panawagan para sa karapatan ng mga mangingisdang Pilipino at makatarungang kondisyon sa paggawa sa pagdinig ng House of Representatives Committee on Labor and Employment. Ipinahayag ni Raymond Democrito C. Mendoza, TUCP Party-list Representative at Deputy Speaker, ang matibay na suporta sa agarang ratipikasyon ng ILO Convention No. 188 o Work in Fishing Convention upang matiyak ang labor protection, makatarungang sahod, at social protection ng mga lokal at migranteng mangingisda.

Kasabay nito ay inilahad ang dokumentaryo tungkol sa mga Filipino Migrant Fishermen na patuloy na nakararanas ng labor exploitation, forced labor, at kakulangan ng proteksiyong paggawa sa international fishing industry.

TUCP PARTY-LIST NAGHAIN NG PANUKALA LABAN SA KARAHASAN AT HARASSMENT SA TRABAHO

 

Ngayong International Day for the Elimination of Violence Against Women, naghain ang TUCP Party-list ng House Bill 6367 o World of Work Free From Violence and Harassment Act upang protektahan ang lahat ng manggagawa lalo na ang kababaihan laban sa pisikal, sikolohikal, sexual, at ekonomikong pananakit sa trabaho.

Nanindigan ang TUCP at IndustriALL Philippines Women’s Committee sa pagtataguyod ng isang lugar ng trabaho na ligtas at may respeto sa bawat Pilipinong manggagawa.